Toquerok Munianen lekua hartuko du Racingen aurka

Erredakzioa

Azken eguneratzea: 2012/04/21 18:12 (UTC+2)

Jokalari nafarra zerrendatik kanpo utzi du Marcelo Bielsa entrenatzaileak eta Sardineron Gaizka Toquerok jokatuko du.

Gaizka Toquero. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Athleticek Racingen aurka jokatuko du igande honetan Sardinero futbol-zelaian, 16:00etatik aurrera. Zuri-gorriek sailkapen nagusiko laugarren postua dute helburu oraindik ere, baina, halabeharrez, osteguneko Europa Ligako neurketa dute buruan. Lisboan 2-1eko porrota jaso zuen Bilboko taldeak Sportingen aurka eta San Mamesen kanporaketari buelta eman beharra dauka finalerako txartela eskuratzeko.

Aurreko jardunaldian Mallorca gainditu zuen Bielsaren taldeak (1-0) eta Txapeldunen Ligarako borrokari eutsi zion. Une honetan sei puntura du Athleticek Malagaren laugarren postua.

Gaizka Toquerok Iker Muniainen lekua hartuko du Racingen aurka. Nafarra ez da zerrendan sartu eta etxean geratu da.

Ustezko hamaikakoak:

Racing: Mario Fernandez; Francis, Alvaro, Torrejon, Cisma; Munitis, Colsa, Diop, Luque; Adrian eta Stuani.

Athletic: Iraizoz; Iraola, Javi Martinez, Amorebieta, Aurtenetxe; Iturraspe; Susaeta, Herrera, De Marcos, Toquero; eta Llorente.

Epailea: Perez Montero.
Futbol-zelaia: El Sardinero.
Ordua: 16.00.