Athletic Club
Joaneko partida, San Mamesen
Athleticek HJK Helsinkiren aurka jokatuko du playoffetako kanporaketa
Erredakzioa
San Mamesen jokatuko da joaneko partida abuztuaren 23an, eta itzulerakoa 30ean izango da Finlandiako hiriburuan.
-
Athleticek Helsinkiren aurka jokatuko du playoffetako kanporaketa. Argazkia: EFE
Athleticek HJK Helsinkiren aurka jokatuko du Europa Ligako multzoen fasera sailkatzeko azken kanporaketa, playoff kanporaketa. Ostiral honetan Nyonen egin den zozketan elkarren aurka jokatzea egokitu zaie bizkaitarrei eta finlandiarrei.
Joaneko partida San Mamesen jokatuko da abuztuaren 23an, eta itzulerakoa abuztuaren 30ean jokatuko da Helsinkiko (Finlandia) Sonera estadioan.
HJK Helsinki taldea 1907. urtean sortu zen, eta 10.700 ikusle sartzen diren Sonera estadioan jokatzen du. Finlandiako talderik onena da. 25 Finlandiako Liga (Veikkausliga), Finlandiako 11 Kopa, eta Ligako 3 Kopa ditu.
Jari Litmanen Ajaxeko, Bartzelonako Liverpooleko eta Fulhameko jokalari ohiak jokatu zuen iaz talde honetan, baina denboraldi honetan ez da HJK Helsinkin jokatzen ari, talde barik baitago.
Aurrealdean jokatzen duten Demba Savage gambiarra, Egiptoko Sherif Ashraf, eta Finlandiako selekzioarekin aritzen den Juho Makela dira HJK Helsinkiko jokalari arriskutsuenak.
