Athleticen porrota Sestaon, Javi Martinezen eta Herreraren itzuleran

Erredakzioa

Azken eguneratzea: 2012/08/12 16:08 (UTC+2)

Ibai Gomezek zuri-gorriak markagailuan aurretik jarri ditu lehen zatian, baina etxeko taldeak Athletic ezustean harrapatu du atsedenaldiaren ostean.

01:29

Whatsapp
Whatsapp
telegram
twitt
Bidali
Esteka kopiatu

Albisteak (3)

Bideoak (1)

Athleticek 2-1 galdu du Sestao Riverren kontra Las Llanasen

Athleticek 2-1 galdu du Sestao Riveren aurka Las Llanas futbol-zelaian jokatutako lagunarteko partidan. Aritz Adurizek minutu batzuk jokatu ditu lesionatuta hiru aste taldetik kanpo eman ostean. Era berean, Ander Herrerak eta Javi Martinezek denboraldiaurreko aurreneko minutuak jokatu dituzte.

Ibai Gomezek zuri-gorriak markagailuan aurretik jarri ditu lehen zatian, baina etxeko taldeak Athletic ezustean harrapatu du atsedenaldiaren ostean. Horrela, Sestaok markagailua irauli du Oskar Martin eta Paul Abasoloren golekin.

Fitxa teknikoa:

Sestao River: Montero; Iparagirre, Azkoiti, Enerko, Terrón; Unai Calvo, Julen García, Zulaika; Silas, Ruben Perez eta Hernaez. Bigarren zatian Lain, Apraiz, Arrizabalaga, Larrazabal, Ibon Gutierrez, Abasolo, Retamero, Jokin, Crespo eta Oskar Martin.

Athletic: Raul; Markel Etxeberria (Seguin, 46. minutua), Ramalho, Ekiza, Castillo; San Jose; Ibai Gomez (Igor Martinez, 46. minutua), Herrera, Javi Martinez, Muniain; eta Llorente (Aduriz, 46. minutua).

Golak: 0-1, 21. minutua: Ibai Gomez. 1-1, 61. minutua. Oskar Martin. 2-1, 85. minutua: Abasolo, penaltiz.