Multzoen faserako txartela eskura du Athleticek Helsinkin

Athleticek Helsinkiren aurka neurtuko ditu indarrak ostegun honetan Europa Ligako atariko fasearen itzuliko partidan. Zuri-gorriak 6-0 nagusitu ziren San Mamesen jokatako neurketan, joanekoan, eta beraz eskura du taldeak multzoen faserako txartela.

Marcelo Bielsaren taldeak Ligan dauka jarrita orain arreta. Athleticek porrot mingarriak jaso ditu lehen eta bigarren jardunaldietan, Betisen (3-5) eta Atletico Madrilen (4-0) aurka, hain zuzen ere. Igandean Valladolid hartuko dute bilbotarrek etxean eta bolada kaskar hori amaiera ematea izando dute helburu.

Ostiralean, Europa Ligako multzoen faserako zozketa egingo da Nyonen.

Ustezko hamaikakoak:

HJK Helsinki: Wallen; Sumusalo, Lahti, Lindström, Sorsa; Väyrynen, Perovuo, Mannström, Schuller; Savage eta Sadik.

Athletic Club: Raul; Markel Etxeberria, San Jose, Ekiza, Castillo; Ruiz de Galarreta; Ibai Gomez, De Marcos, Muniain, Isma Lopez; eta Toquero.

Epailea: Alan Kelly (Irlanda).
Futbol-zelaia: Sonera Estadioa.
Ordua: 19.00etan