Athletic Club
Lan saioa, Lezaman
Susaeta: 'Une garrantzitsuetan zortea falta izan zaigu'
Erredakzioa
Athleticeko jokalari eibartarrak taldea sailkapeneko azkenengo postuetan ikustea 'mingarria' dela onartu du. Gainera, Granadaren aurkako neurketa 'tentsio altukoa' izango dela azpimarratu du.
-
Susaeta. Argazkia: eitb
"Getaferen aurkako porrota kolpe gogorra izan zen, baina azkeneko partidetan taldeak hobera egin du. Valentziaren aurka eta beste norgehiagoka batzuetan taldeak oso ondo jokatu du, baina baloia ez da sareetara sartu", adierazi du Markel Susaeta eibartarrak.
Gipuzkoako jokalariak "taldea sailkapeneko beheko postuetan ikustea mingarria" dela onartu du. Hala ere, hasiera besterik ez dela eta zorte apur batekin Athleticek "goiko postuetan bukatuko" duela ere adierazi du.
Valentzian eta San Mamesen Getaferen aukra bi porrot jaso ostean, Granadaren aurka hiru puntuak lortzea espero du Susaetak. Los Carmenes estadioko neurketa bi taldeak dauden egoeragatik "tentsio handikoa" izango dela ere azpimarratu du zuri-gorriak.
