Primera RFEF
Lehen multzoa
Bigarren B Maila: Eibarrek play-offa du jokoan Barakaldoren aurka
Andoni Beldarrain
Erredakzioa
Lasesarren jokatuko dute armaginek. Alavesek ezin du kale egin igoera fasean egon nahi badu. Bilbao Athleticek, Sestaok eta Izarrak garaipena behar dute.
Eibarrek eta Alavesek ezin dute kale egin Bigarren mailarako igoera fasean egon nahi badute. Armaginek Barakaldoren aurka jokatuko dute Lasesarren eta aurkariak ez du ezer jokoan. Alavesek ere ezin du huts egin play-offa jokatu nahi badu eta Celta Bren aurka jokatuko du Vigon. Galiziarrek ere ez dute ezer jokoan. Lemoak Errege Kopa jokatu nahi du datorren urtean eta garaipena behar du seigarren postua mantentzeko. Bosgarren sailkatua den Pontevedrari egingo diote bisita. Arratiarren garaipenak esku bat botako lieke Eibarri eta Alavesi Pontevedra armaginengandik hiru puntura baitago eta arabarrengandik bira.
Sailkapenaren behealdean larri dabiltza hiru euskal talde. Bilbao Athleticek Lezaman jokatuko du zazpigarren sailkatua den Lugoren aurka. Zuri-gorriek ezin dute galdu jaitsierako promozio postua bi puntuz azpitik baitaukate. Guijuelo dago momentu honetan promozioko jaitsiera postuan 41 punturekin. Sestao Guijuelorengandik hiru puntura dago eta salbaziotik (Zamorarengandik) lau puntu azpitik. Riverrek Las Llanasen jokatuko du azken sailkatua eta maila matematikoki galduta duen Compostelaren aurka. Azkenik, Izarra, jaitsierako promozio postutik bost puntura dago. Igandean Osasuna Bren aurka derbi nafarra jokatuko du. Gorritxoek ez daukate ezer jokoan mailari eustea matematikoki lortua baitaukate.
Lehen multzoko 37. ihardunaldiko partidak:
02/05 12:00 CELTA B - ALAVES
02/05 17:00 PALENCIA - ZAMORA
02/05 17:00 ATHLETIC B - LUGO
02/05 18:00 IZARRA - AT. OSASUNA B
02/05 18:00 PONTEVEDRA - LEMONA
02/05 18:00 PONFERRADINA - GUIJUELO
02/05 18:00 SESTAO RIVER - COMPOSTELA
02/05 18:00 BARAKALDO - EIBAR
02/05 18:30 MONTAÑEROS - C. LEONESA
02/05 19:30 MIRANDES - RACING FERROL
