Primera RFEF
Azken jardunaldia
Bigarren B Maila: Alavesek eta Sestaok garaipenak behar dituzte
Erredakzioa
Gasteiztarrek playofferako azken txartela jokatuko dute Pontevedraren aurka Mendizorrotzan eta Riverrek hiru puntuak behar ditu, Guijuelo edo Zamorak kale egitearekin batera, mailari eusteko
Bigarren B Mailan gauza gutxi gelditzen dira erabakitzeke azken jardunaldia gainean dagoelarik. Txapelduna erabakita, Ponferradina indartsua, promozioan sartzeko laugarren postua Alavesek eta Pontevedrak jokatuko dute bien arteko hil edo biziko lehian. Eibarrek, Bilbao Athleticen aurka jokatuko du playoffetarako sailkatua dagoelarik baina sailkapeneko bigarren postua lortzeko nahiaz. Luis De la Fuenteren mutilek gainera, ez dute ezer jokoan pasa den astean mailari eustea lortu zutelako. Palentziak ere, eskuan du promoziorako postu bat, arabarren eta galiziarren arteko norgehiagoka dela eta. Dudarik gabe, urteko partidetako bat izango da Mendizorrotzan jokatuko dena. Gasteizko taldeak, jokoan izango du Bigarren Mailara bueltatzeko promozioan sartzea eta horretarako galiziarrak garaitu beharko dituzte.
Jardunaldiko beste partida garrantzitsua, Sestao Riverrek jokatuko du, mailari eustea helburu duelarik. Bizkaitarrek Lugora bidaiatuko dute hil edo biziko hiru puntuak lortzeko. Hala ere, Riverrek, Zamora eta Guijueloren partidei adi egon beharko da, haiek egiten dutenaz baldintzatuta baitaude.
Gainera, Osasuna Promesas-Brakaldo eta Lemoa-Izarra derbiak jokatuko dira.
08/05 17:00 OSASUNA B-BARAKALDO
08/05 20:00 K.LEONESA-CELTA B.
09/05 18:00 LEMONA-IZARRA
09/05 18:00 ALAVES-PONTEVEDRA
09/05 18:00 GUIJUELO-MONTAÑEROS
09/05 18:00 ZAMORA-PONFERRADINA
09/05 18:00 RACING FERROL-PALENTZIA
09/05 18:00 COMPOSTELA-MIRANDES
09/05 18:00 LUGO-SESTAO RIVER
09/05 18:00 EIBAR-BILBAO ATHLETIC
