Bigarren B Maila: Real Union-Bilbao Athletic, binako berdinketa

Deportivo Alaves da Bigarren&' || 'nbsp;B&' || 'nbsp;Mailako II. multzoko liderra Osasuna Bri 1-2 irabazi eta jarraian lortzen duen bigarren garaipena eskuratu ondoren.

Bestalde, Reala Bk ere galdu gabe jarraitzen du nahiz eta La Muelaren aurka 1-1 berdindu duten txuri-urdinek. Realak lau puntu ditu lehen bi jardunaldietako batuketa eginda.

Ihardunaldi honetan derbi azpimarragarri bat jokatu da Irungo Stadium Galen. Bertan, Real union eta Bilbao Athletic izan dira aurrez aurre eta partida ETBk eta eitb.com-ek eskaini dute zuzenean larunbatero bezala. Norgehiagoka ikusgarria izan da eta 2-2ko emaitzarekin bukatu da. Real unionek lau puntu ditu orain berdinketa honekin eta Bilbao Athleticek bere lehen puntua lortu du aurtengo denboraldian.

Igandean Barakaldok eta Eibarrek garaipen bana lortu zuten. Armaginek 0-1 irabazi zuten Cultural Leonesaren aurka Reyno de Leonen eta bigarren postuan daude Alaves liderrarekin puntuetara berdinduta (6 puntu). Barakaldok, ordea, denboraldiko lehen garaipena lortu zuen Lasesarren Sporting B taldeari 2-0 irabazita.

Lemoak eta Peña Sportek ezin izan zuten garaipena eskuratu bigarren jardunaldian. Arratiako taldeak 1-0 galdu zuen Caudalen aurka eta denboraldiko lehen porrota jaso zuten. Nafarrek, bestalde, bitik bi porrot daramatzate. Igandean 3-0 galdu zuen Logroñesen aurka Las Gaunasen.

Bigarren jardunaldiko emaitzak:

Reala B 1 - 1 CD La Muela
A Osasuna B 1 - 2 Deportivo Alaves
Real Union 2 - 2 Athletic B
RS Gimnastica 2 - 0 Real Oviedo
CD Leonesa 0 - 1 SD Eibar
Caudal Deportivo 1 - 0 SD Lemona
Barakaldo CF 2 - 0 Real Sporting B
CF Palentzia 1 - 1 CD Mirandes
Zamora CF 1 - 1 CD Guijuelo
UD Logroñes 3 - 0 Peña Sport