Bigarren B Maila: Eibarrek lidergoan jarraitzen du

Bigarren B Mailako II. multzoko hamaseigarren jardunaldiak gol asko utzi dizkigu asteburu honetan.

Eibar da II. multzoko liderra 33 punturekin Gimnasticaren aurka Torrelavegan 1-1 berdindu ondoren. Bi puntura dago Alaves bigarren postuan. Arabarrek 3-3 berdindu zuten Lemoaren aurka Mendizorrotzan. Arratiako taldea laugarren sailkatua da 29 punturekin berdinketa honen ostean. Hiru euskal talde hauen artean Mirandes dago. Mirandakoek Lemoak beste puntu dituzte (29 puntu), baina hirugarren postuan daude. Real Union (28 puntu) sailkapeneko bosgarren postura jaitsi da. Alvaro Cerveraren taldeak 2-0 galdu zuen Palenciaren aurka.

Harrobiko euskal taldeei dagokienean guztiek punturen bat urratu zuten. Osasuna Bk 1-1 berdindu zuen Sporting Bren aurka eta nafarrak zazpigarren postuan daude 25 punturekin. Puntu bat gutxiagorekin eta zortzigarren postuan dago Reala B. Txuri-urdinek 0-0 berdindu zuten Mirandesen aurka. Hamargarren postuan eta 23 punturekin aurkitzen da Bilbao Athletic. Zuri-gorriek amaiera eman zioten bolada txarrari Cultural Leonesari Lezaman 2-1 irabazita.

Sailkapeneko behealdean albiste on bat eta albiste txar bat izan genituen. Poza Peña Sportek eman zigun etxean Zamora bezalako aurkari zuzenaren aurka 1-0 irabazita: Gainera, azken postutik atera ziren. Talde nafarrra azken aurreko sailkatua da 14 punturekin eta Guijuelo da orain azken sailkatua 12 punturekin. Albiste txarra, Barakaldok ekarri zigun. Bizkaitarrek 1-2 galdu zuten Logroñesen aurka Lasesarren eta jaitsierako promozio postuan daude 16 punturekin.

Hamaseigarren jardunaldiko emaitzak II. multzoan:

Deportivo Alavés 3 - 3 SD Lemona
Real Sporting -B- 1 - 1 CA Osasuna -B-
Athletic Club -B- 2 - 1 CD Leonesa
CD La Muela 3 - 2 CD Guijuelo
RS Gimnástica 1 - 1 SD Eibar
Barakaldo CF 1 - 2 UD Logroñes
CF Palencia 2 - 0 Real Union Club
CD Mirandes 0 - 0 Real Sociedad -B-
Peña Sport FC 1 - 0 Zamora CF
Real Oviedo 1 - 1 Caudal Deportivo