Primera RFEF
II. multzoa
Bigarren B Maila: Lidergoa Eibarrentzat eta Alaves, hirugarren postuan
Andoni Beldarrain
Erredakzioa
Armaginek 0-2 irabazi zioten Bilbao Athletici eta arabarrek 2-0 galdu zuten Oviedoren aurka. Barakaldok galdu egin zuen Zamoraren aurka eta maila mantentzearen helburua zailago du.
Asteburu honetan ikusi ahal izan dugu Eibarrek 0-2 irabazi ziola Bilbao Athletici. Horrenbestez, armaginek multzoko lidergoa eskuratu dute 58 puntu batu dituztelarik. Talde zuri-gorria 11. postuan geratu da, inoren lurraldean, 40 punturekin. Bestalde, Alavesek porrot egin zuen. Arabarrek 2-0 galdu zuten Oviedoren aurka eta hirugarren posturaino jaitsi dira 55 puntu dituztelarik. Mirandesek 2-0 irabazi zion Guijuelori eta bigarren postuan dira. Laugarren postua Real Unionentzat da. Irundarrek 51 puntu dituzte larunbatean Reala Bren aurka 1-1 berdindu ostean. Talde txuri-urdinak zazpigarren tokian dira 46 punturekin.
Denboraldi bikaina egiten ari den taldea Osasuna B da. Talde gorritxoak 1-3 irabazi zion Logroñesi eta nafarrek 47 puntu bildu dituzte jada. Gainera, Logroñes aurretik zuten partida hau jokatu aurretik eta orain puntu bat atzetik dira errioxarrak. Lemoarentzat ere ez zen jardunaldi txarra izan. Larrazabalek zuzentzen duen taldeak puntu bat atera zuen Xixonetik Sporting Bren aurka 0-0 berdinduta. Lemoa, bederatzigarren postuan da 45 punturekin.
Sailkapenaren behealdean albiste oso on bat eta albiste oso txar bat eman zizkiguten maila mantentzeko lehian dauden bi euskal taldeek. Berri ona Peña Sportek eman zigun. Nafarrek 2-0 irabazi zioten La Muelari, aurkari zuzena maila mantentzeko borroka horretan. Peña Sportek 19. postuan jarraitzen du, baina orain 26 puntu ditu. Jaitsierako promozio postua lau puntura dute eta salbazio bostera. Iragan astean zazpi puntura zuten promozioa eta jaitsiera. Bestalde, Barakaldo burua ezin jasota dabil. Bizkaitarrek Zamoraren aurka 1-2 galdu zuen eta hauek aurkari zuzenak ziren. Barakaldo azken postuan da 22 punturekin. Jaitsierako promozio postua zortzi puntura dute eta salbazioa bederatzira.
30. jardunaldiko emaitzak II. multzoan:
Real Unión Club 1 - 1 Real Sociedad -B-
Peña Sport FC 2 - 0 CD La Muela
Real Sporting -B- 0 - 0 SD Lemona
Athletic Club -B- 0 - 2 SD Eibar
UD Logroñés 1 - 3 CA Osasuna -B-
RS Gimnástica 1 - 0 Caudal Deportivo
Barakaldo CF 1 - 2 Zamora CF
CF Palencia 1 - 0 CD Leonesa
CD Mirandés 2 - 0 CD Guijuelo
Real Oviedo 2 - 0 Deportivo Alavés
