Bigarren B Maila: Mirandes, aldeak handituz Alaves eta Eibarrekiko

Alavesek eta Eibarrek ezin izan zituzten beraien partidak irabazi eta Mirandes liderrak bost puntu ateratzen dizkie. Mirandakoek Caudali 0-1 irabazi zioten. Bigarren postua La Muelaren aurka 1-1 berdindu zuen Alavesena da orain 60 punturekin. Puntu kopuru berarekin Eibar dago hirugarren postuan Logroñesen aurka 0-1 galdu ostean. Errioxarrak bosgarren daude sailkapenean 55 punturekin. 55 puntu ditu baita Real Unionek. Irundarrek play-off postuan jarraitzen dute Gimnastica Torrelavegari 2-0 irabazteari esker.

Osasuna Bk 0-1 galdu zuen Palentziaren aurka. Play-off postuetan sartzeko borrokan ari diren bi taldek neurtu zituzten indarrak. Orain Palentziarrak play-off postutik puntu bakarrera daude eta gorritxoak, laura. Reala Bk zail du laugarren postura iristea, baina Barakaldori 2-1 irabazi ostean bost puntura dute laugarren postu hori.

Arlonagusian, ostiralean, euskal derbia jokatu zuten Lemoak eta Bilbao Athleticek. Lemoa bederatzigarren postuan da 47 punturekin eta Bilbao Athletic, hamabigarren 43rekin.

Peña Sportek maila mantentzea helburu duen Guijueloren aurka jokatu eta 0-0 berdindu zuen. Nafarrak 19. postuan daude 28 punturekin eta salbazioa sei puntura dute. Azken postuan Barakaldok jarraitzen du 23 punturekin. Bizkaitarrek 2-1 galdu zuten Reala Bren aurka azken minutuan gol bat hartuta eta zailago du mailari eustea. Barakaldok 11 puntura du salbazioa.

33. jardunaldiko partiden emaitzak II. multzoan:

SD Lemona 0 - 0 Athletic Club -B-
Real Sociedad -B- 2 - 1 Barakaldo CF
CA Osasuna -B- 0 - 1 CF Palencia
SD Eibar 0 - 1 UD Logroñés
Real Union Club 2 - 0 RS Gimnastica
CD Guijuelo 0 - 0 Peña Sport FC
Deportivo Alaves 2 - 2 CD La Muela
Zamora CF 3 - 1 Real Sporting -B-
CD Leonesa 4 - 1 Real Oviedo
Caudal Deportivo 0 - 1 CD Mirandes