Primera RFEF
20. jardunaldia
Bigarren B Maila: Alavesek eta Amorebietak, garaipen garrantzitsuak
Erredakzioa
Zornotzako taldea hirugarren kokatu da sailkapenean Burgos 3-1 garaituta eta Gasteizeko taldeak 3-0 gainditu du Osasuna B Mendizorrotzan.
-
Alaves. Argazkia: EFE
Amorebietak sailkapeneko hirugarren postua eskuratu du Burgos 3-1 gaindituta, Mirandesen eta Ponferradinaren atzetik kokatu da Zornotzako taldea 35 punturekin eta Eibar laugarren postura jaitsi da. Armaginek, 1-1 berdindu zuten Lezaman Bilbao Athleticen aurka eta 35 punturekin playoff postuetan mantentzen dira.
Alavesek bosgarren postua lortu du Osasuna B 3-0 jipoituta. Mendizorrotzako taldeak 33 puntu ditu Sestao Riverrerekin berdinduta. Ezkerraldeko taldeak 3-1 gainditu zuen Logroñes etxean.
Jaitsiera postuetan Lemoak eta Reala Bk jarraitzen dute. Arratiako taldeak 2-0 galdu zuen Palentziaren aurka eta kinka larrian jarraitzen du. Reala Bk 19 puntu ditu Real Union 0-1 gainditu eta gero, baina txuri-urdinek jaitsiera postuetan jarraitzen dute.
20. jardunaldiko emaitzak:
Athletic Club B 1 - 1 SD Eibar
SD Amorebieta 3 - 1 Burgos CF
CD Guijuelo 1 - 2 CD Mirandes
Sestao River Club 3 - 1 UD Logroñes
Real Union Club 0 - 1 Reala B
Deportivo Alaves 3 - 0 Club Atletico Osasuna B
Arandina CF 0 - 1 RS Gimnastica
Zamora CF 0 - 1 SD Ponferradina
Gimnastica Segoviana CF 2 - 3 UD Salamanca
CF Palentzia 2 - 0 SD Lemoa
