Alavesek lidergoa sendotu du

Alavesek 1-2 irabazi dio Gimnastica Torrelavegari, eta 34 puntu dituzte. Eibar lidergotik puntu bakarrera zegoen, baina 1-1 berdindu zuen UD Logroñesen aurka, eta hiru puntu ateratzen dizkio orain Alavesek. Bolada onean dabilena Bilbao Athletic da. Zuri-gorriek 2-1 irabazi zioten Tudelanori, eta 28 puntu bildu zituzte jada. Lleidak betetzen du playoffak jokatzeko aukera ematen duen azken postua, 24 punturekin.

Amorebietak oso gertu du Lleidak betetzen duen laugarren postu hori. Jardunaldi honetan 1-1 berdindu dute Teruelen aurka, eta bosgarren postuan daude 23 punturekin, Real Unionenk Lleidarekin 0-0 berdindu zuen, eta hogei punturekin sailkapeneko seigarren postuan daude irundarrak.

Reala Bk 3-2 galdu zuen Peña Sporten aurka. Talde txuri-urdina sailkapeneko zortzigarren postuan dago 19 punturekin, eta Peña Sport hamargarren gago 18 punturekin. Tudelanok ere 18 puntu ditu, eta hamaikagarren postuan dago.

Barakaldok hamabigarren postua betetzen du, eta Sestaok hamahirugarrena. Ezkerraldeko bi taldeek, hamazazpina puntu dituzte. Barakaldok 1-1 berdindu zuen Racing Bren aurka, eta Riverrek 1-1 berdindu zuen Nojaren aurka.

Bestalde, Izarra eta Osasuna B ditugu jaitsiera postuetan. Izarrak Zaragoza Bren aurka galdu zuen 1-0eko emaitzarekin, eta aurrea hartu dio Zaragoza Bk Izarrari. Aragoiko taldeak 14 puntu ditu, eta jaitsierako promozio postuan dago. Izarra, ordea, 18. postuan dago 13 punturekin. Osasuna Bk azken postuan jarraitzen du, baina oraingoan garaipena lortu zuen. SD Logroñesi 4-1 irabazi zion talde gorrtxikoak, eta zortzi puntu dituzte.

14. jardunaldiko emaitzak II. multzoan:

Real Racing Club B 1 - 1 Barakaldo CF
Real Zaragoza B 1 - 0 CD Izarra
Club Atlético Osasuna B 4 - 1 SD Logroñes
UD Logroñes 1 - 1 SD Eibar
SD Amorebieta 1 - 1 CD Teruel
Sestao River Club 1 - 1 SD Noja
RS Gimnástica 1 - 2 Deportivo Alaves
Athletic Club B 2 - 1 CD Tudelano
Lleida Esportiu TCF 0 - 0 Real Unión Club
Peña Sport FC 3 - 2 Real Sociedad de Fútbol B