Eibar
Fitxaketa
Gironak Asier Riesgo fitxatu du
Erredakzioa
Libre iritsi da atezaina talde kataluniarrera, eta denboraldi baterako kontratua sinatu du.
-
Asier Riesgo. Argazkia: EiTB
Asier Riesgo atezaina fitxatu du Gironak, denboraldi baterako. Eibar taldearekin kontratua amaitu zuen, eta libre iritsi da atezaina Bigarren Mailako talde kataluniarrera. Manchester Cityra joatekoa izan zen Riesgo, baina atzerritarren muga beteta zuen jada Ingalaterrako taldeak, eta ezerezean geratu zen fitxaketa. Orain, Cityk erosita duen Girona taldean arituko da.
Atezain gipuzkoarrak kurrikulum zabala du Lehen eta Bigarren Mailetan, guztira 275 partida ofizial jokatu baititu. Riesgoren fitxaketarekin, Gironak Sevillak fitxatu duen Bono atezainaren hutsunea bete du.
