Eibarrek garaipena behar du Getaferen aurka, jaitsiera postuetatik aldentzeko

Eibarrek Getaferen aurka jokatuko du igande honetan, 12:00etan Ipuruan, Ligako 16. jardunaldiko partida. Garaipena behar du talde armaginak, bi puntura dituen jaitsiera postuetatik aldentzeko.

Neurketa honetarako, Jose Luis Mendilibar Eibar taldeko entrenatzaileak jokatzeko prest izango du Anaitz Arbilla, partida bateko zigorra bete baitzuen Realaren aurkako derbian. Bestalde, armaginen egunerokotasuna ez da lasaia izan aste honetan, Sergi Enrichentzat bost urteko kartzela-zigorra eskatu baitu emakume batekin grabatu zuten bideo sexuala emakumearen baimenik gabe grabatzeagatik eta zabaltzeagatik.

Bestalde, Getafe sasoi onean iristen da neurketa honetara, azken jardunaldian Levanteri 4-0 irabazi baitzion. Gainera, Madrilgo taldea sailkapeneko zazpigarren postuan da, Europarako postuen lehiako borrokan erabat murgilduta. Partida berezia izango da Cucurellarentzat, bere talde ohiaren aurka lehiatuko baita.