3. Maila
IV. eta XV. multzoak
Hirugarren Maila: Reala B, Amorebieta eta Portu, igoeraren bila
Andoni Beldarrain
Erredakzioa
XV. multzoan Tudelanok, Peña Sportek eta Atletico Cirbonerok lortu dute Bigarren B Mailara igotzeko play-offa jokatzea.
Hirugarren Maila azken txanpan sartu da. Jada, bi ihardunaldi bakarrik falta dira Liga bukatzeko IV. eta XV. multzoetan.
IV. multzoan hiru talde matematikoki sailkatu dira Bigarren B Mailara igotzeko play-offa jokatzeko. Reala B (liderra 71 punturekin), Amorebieta (bigarren 67 punturekin) eta Portugalete (hirugarren 66 punturekin) dira hiru talde horiek. Igoera fasea jokatzeko aukera ematen duen laugarren postuan dago une honetan Elgoibar 61 punturekin, baina Beasain (60 puntu) eta Gernika (59 puntu) ere saiatuko dira Liga laugarren postu horretan bukatzen.
Sailkapenaren behealdean Salvatierrak eta Retuertok maila galduta dute eta Aretxabaleta dago jaitsiera postuan 39 punturekin. Puntu berdinekin, baina jaitsieratik kanpora dago Lagun Onak. Sestaok maila galdu dezake asteburu honetan eta horrek hiru talde beharrean lau jaistea ekarriko luke.
XV. multzoan ere hiru talde sailkatu dira igoerako play-offa jokatzeko: Tudelano (liderra 86 punturekin), Peña Sport ( bigarren 76 punturekin) eta Atletico Cirbonero (hirugarren 66 punturekin). Laugarren postuan dago une honetan Iruña 63 punturekin, baina Mutilvera puntu bakarrera dago (62 puntu) eta bi talde hauetako bat bakarrik sartuko da igoerako fasean.
Sailkapenaren behealdean Coretsek maila galdu zuen orain aste batzuk. Jaitsieran daude Atletico Valtierrano 32 punturekin eta Huarte 33 punturekin. Zarramonza 34 punturekin jaitsiera posteuatik at dago momentuz, baina azken unera arte borrokatu beharko du. Peña Azagresa eta Murchante ere ezin daitezke erlaxatu. 15. eta 16. postuetan daude 37na punturekin, jaitsieratik lau puntura.
36. ihardunaldiko emaitzak IV. multzoan :
AMOREBIETA 3 - 0 BASCONIA
ARENAS GETXO 0 - 0 GERNIKA
SANTURTZI 2 - 2 ZALLA
REAL SOCIEDAD B 4 - 1 C. DURANGO
LAUDIO 2 - 1 LAGUN ONAK
RETUERTO SPORT 1 - 3 ZAMUDIO
EIBAR B 3 - 2 BEASAIN
ARETXABALETA 0 - 0 PORTUGALETE
SALVATIERRA 1 - 4 AMURRIO
LEIOA 1 - 2 ELGOIBAR
36. ihardunaldiko emaitzak XV. multzoan :
VALLE EGÜES 1 - 2 IRUÑA
LOURDES 2 - 3 PEÑA AZAGRESA
SAN JUAN 1 - 0 CORTES
RIVER EGA 1 - 1 CHANTREA
PEÑA SPORT 3 - 1 PAMPLONA
ALUVION 2 - 1 HUARTE
ZARRAMONZA 3 - 2 OBERENA
U. MUTILVERA 2 - 0 AT. CIRBONERO
AT. VALTIERRANO 0 - 1 TUDELANO
MURCHANTE 0 - 2 AOIZ
