Munduko futbol txapelketapelketa
Final handia
Hegoafrika 2010: Espainia, munduko txapelduna (0-1)
Jon Lopez
Erredakzioa
Andres Iniestak gola sartu zuen luzapeneko bigarren zatian eta aurreneko Munduko Txapelketa eman zion Espainiako selekzioari.
Partidako 116. minutuan Andres Iniestaren gol batek Espainia munduko txapelduna bihurtu du, eta Holanda titulurik gabe utzi du bere hirugarren finalean.
Iniestak baloia hartu du area barruan eta Maarten Stekelenburg gainditu du jaurtiketa gurutzatu batekin.
Espainia jokalari bat gehiagorekin ari zen 109. minututik, John Heitingak bere bigarren txartel horia ikusi baitu.
120 minutuko lehia gogorra
Holandak eta Espainiak golik gabe berdindu dute Hegoafrikako Munduko Txapelketako lehenengo 90. minutuetan, Johanesburgoko Soccer City futbol-zelaian.
Espainia jokoan nagusitu da aurreneko hamabost minutuetan. Holandak, orduantxe, jokoa gogortu du eta falta gogor asko egin ditu.
Epaileak bost txartel hori erakutsi ditu lehenengo zatian (Robin van Persie, Mark van Bommel eta Nigel de Jong holandarrei eta Carles Puyol eta Sergio Ramos espainiarrei). Jokaldi batzuek gorria ere merezi izan dute.
Lehenengo zatiaren azken txanpan, Holandak finaleko lehenengo gola egiteko aukera ederra izan du, baina Iker Casillasek Robbenen jaurtiketa desbideratu du.
Bigarren zatian, jokoa lehenengoaren antzekoa izan da, baina gol-aukera gehiago izan dira. Argienak Robbenek eta Villak izan dituzte. Holandarrak Casillasen aurrean kale egin du 62. minutuan ate aurrean bakar-bakarrik zenean.
Lau minutu geroago Villak bere aukera izan du, baina aurrelariak ez du asmatu Stekelenburg atezain holandarraren aurrean. Golik gabe, partidak luzapenerako bidea hartu du.
Luzapenean, futbola ikuskizun
Futbolari bere benetako xarma tentsioak ematen dio.&' || 'nbsp;Eta asko izan du luzapenak.&' || 'nbsp;Gol-aukera garbiak, jokaldi polemikoak, hutsak, jokaldi politak... Eta nahas-mahas horretan bi jokaldi erabakigarriak heldu dira.
109. minutuan&' || 'nbsp;John&' || 'nbsp;Heitingak bigarren txartel horia ikusi eta Holanda hamar jokalarirekin utzi du. Sei minutu geroago, 115ean,&' || 'nbsp;Andres Iniestak gola egin du, gol historikoa.&' || 'nbsp;Area barnean baloi bat harrapatu eta jaurtiketa gurutzatu batekin final handiko gol bakarra egin du.
Fitxa teknikoa:
Holanda:Stekelenburg, Van der Wiel, Heitinga, Mathijsen, Gio (Braafheid, 104''), Van Bommel, De Jong (Van der Vaart, 99''), Robben, Sneijder,Kuyt (Elia, 70'') eta Van Persie.
Espainia:Casillas, Sergio Ramos, Piqué, Puyol, Capdevila, Sergio Busquets, XabiAlonso (Cesc, 86''), Pedro (Jesús Navas, 60''), Xavi, Iniesta yVilla (Torres, 105'').
Gola: 0-1. 116''. Iniestak.
