Osasunak garaipena behar du jaitsiera postuetatik aldentzeko

Osasunak Atletico Madril izango du aurkari igande honetan Sadarren. Partida 19:00etan hasiko da, eta gorritxoen helburua garaipena lortu, eta jaitsiera postuetatik aldentzea da.

Jose Luis Mendilibarrek zuzentzen duen taldeak Athleticen aurka galdu zuen etxean jokatu duen azken partida, eta bere zaleen aurrean talde sendoa dela erakutsi nahi du. Baja ugari ditu Osasunak Atletico Madrilen aurkako partidarako. Francisco Silva zigortuta dago, eta Kike Solaren baja ere izango du talde gorritxoak. Aurrelaria min hartuta dago, eta ez dago jokatzeko prest. Roaul Loe eta Ruben Gonzalez ere min hartuta daude, eta baja dira iganderako.

Osasunak honako hamaikakoa atera dezake Atletico Madrilen aurka: Andres Fernandez, Marc Bertran, Arribas, Flaño, Damia; Puñal, Lolo, Oier, De las Cuevas, Armenteros; eta Nino. Aulkian jokalari hauek egon daitezke: Ricardo, Nano, Timor, Torres, Cejudo, Masoud eta Llorente.