Ruper (Osasuna-Athletic):"Irabaziz gero helburua gertu izango dugu"

Euskarri bikoitzean Puñalen bikotekidea izan daiteke Aiegiko erdilaria, eta gogotsu azaldu da gaur: "Jardunaldi asko egin ditut hasieratik jokatu gabe eta Athleticen aurka ez da egunero jokatzen, lehia handia dago bi taldeon artean eta gogotsu nago. Athletic etxetik kanpo bolada txarrean da, baina aurkaria Osasuna izanik gogo bereziarekin zelairatuko dira hiru puntuen bila, eta norgehiagoka erakargarria bezain zaila izango da. Astelehenean irabaziz gero helburua ziurtatuta izango da gutxi gora bera", adierazi du Osasunako euskarriak.