Osasuna
Adelante Liga
Nastic-Osasuna, igoera lortzeko lehia zuzena
Erredakzioa
Gorritxoek asteazken honetan jokatuko dute Gimnasticen aurka Nou Estadin, 20:30ean. Kataluniako taldea Adelante Ligako 3. sailkatua da 64 punturekin eta nafarrak 4. postuan daude, 61 punturekin.
-
Osasuna. Argazkia: EiTB
Gimnastic Tarragona eta Osasuna aurkari zuzenak dira igoera lortzeko lehian eta asteazken honetan elkarren aurka ariko dira Nou Estadin, 20:30ean hasiko den norgehiagokan. Nastic Adelante Ligako hirugarren sailkatua da 64 punturekin eta Osasuna laugarren postuan da, 61 punturekin.
Enrique Martin entrenatzaileak 23 jokalari eraman ditu Tarragonara ez baitu bajarik partida honetarako. Miguel De las Cuevas eta Manuel Sanchez hasierako hamaikakoan izango dira. Miguel Olavide eta Alex Berenguer eroriko dira hamaikakotik.
Ustezko hamaikakoak:
Gimnastic: Reina; Bouzon, Molina, Suzuki, Mossa; Madinda, Tejera, Aburjania; Jean Luc, Naranjo eta Emana.
Osasuna: Nauzet; Oier, Tano edo Unai Garcia, Miguel Flaño, David Garcia, Javier Flaño; Manuel, Merino, Roberto Torres, De las Cuevas; eta Nino.
Epailea: Ocon Arraiz.
Zelaia: Nou Estadi.
Ordua: 20.30.
20.30.
