Camacho (Osasuna-Depor): "Partida bat irabaztea falta zaigu"

Hiru partidatan garaipen bat lortzea nahikoa du osasunak mailari eusteko, baina gorritxoek ez dute azken unea arte sufritzen jarraitzerik nahi, eta asteazkenean bertan Deportivoren aurka lortu nahi dituzte beharrezko hiru puntuak. "Oraindik partida bat irabazi beharrean gara erabateko lasaitasuna izateko eta geratzen zaizkigun hiruretako lehendabizikoan lortzen ahelginduko gara", esan du horren harira Jose Antonio Camachok, nahiz eta Deportivok ezer jokoan ez izan arren erraztasunik ez duela espero argi utzi.

Atzo Tenerifek Nou Campen galdu ostean, Osasunak Miguel Angel Lotinaren taldea mendean hartzea nahikoa du matematikoki salbazioa eskuratzeko, Xerezek (30 puntu) eta Tenerifek (35) ezin baitute jada 42 puntura iritsi, eta Valladolidek geratzen zaizkion hiru partidak irabazi arren 42 puntu izango lituzke, eta Osasunaren aurkako partidetan average-a gorritxoen aldekoa da.

Osasuna: Ricardo; Azpilikueta, Sergio, Flaño, Monreal; Puñal, Nekounam, Juanfran, Pandiani, Camuñas; Aranda.