Publizitatea
Itxi

2020/06/18

00:29

Osasuna

29. JARDUNALDIA

Atletico Madrilek bost gol sartu dizkio Osasunari Sadarren

AGENTZIAK | ERREDAKZIOA

Joao Felix, Llorente, Alvaro Morata eta Carrascoren golek talde zuri-gorriak menperatu duen norgehiagokari epaia eman diote.

  • Atletico Madrilen jokalariak gola ospatzen

    Atletico Madrilen jokalariak gola ospatzen. Argazkia: EFE

  • Whatsapp
  • Whatsapp
  • Telegram
  • Bidali

Atletico Madrilek 0-5 garaitu du Osasuna Sadarren jokatutako Santander Ligako 29. jardunaldian. Joao Felixen bi golek madrildarren nagusitasuna abiatu dute.

Simeoneren jokalariak erraz aritu dira oraingoan Iruñean, harmailetan zalerik egon ez arren talde nafarra etxean aurkari samurra ez bada ere. Atleticok lehen zatitik menperatu du norgehiagoka, eta nagusitasun hori gero eta nabarmenagoa izan da.

Joao Felixek sartu du lehen gola, 27. minutuan. Gorritxoak erreakzionatzen saiatu dira, eta Torresek jaurtiketa egin du, baina desbideratua. Moncayola gola sartzeko zorian egon da gero, baloia zutoinaren ondo-ondotik bidali duenean.

Atsedenaldiaren ostean, Jagoba Arrasateren jokalariek Enric Gallego bilatu dute, baina ez dute gauza handirik lortu. Adrianek eta Aridanek ez dute punteria ona izan, eta, gainera, madrildarren 0-2koa iritsi da.

Llorente sartu da orduan zelaira, eta hirugarren gola sartu eta beste bi eman ditu, Morata eta Carrascori gola sartzeko aukera emanez (0-5).

Ondorioz, nafarrak taularen erdian geratu dira, baina borrokan jarraitu beharko dute, denboraldi amaieran ezustekorik izan nahi ez dute.

  • Bisitatuena

      Kargatzen ikusiena
      Kargatzen ikusiena