Bartzelona-Osasuna (8-0): Jipoi gogorra

Osasunakl ezin izan dio talde katalanari eusti eta Bartzelonak 8-0eko ikusgarria lortu du Camp Nou futbol zelaian. Messik hiru gol lortu ditu, Villak bi eta besteak Xavik, Cescek eta Roversiok, bere atean, egin dituzte.

Lehenengo zatian Bartzelonak erraz agindu du eta Osasunak asko sufritu du Guardiolaren mutilen erasoaren aurrean. 4. minutuan 1-0ekoa lortu du Messik, Dani Alvesen erdiraketa sare barrura bidali baitu argentinarrak. Katalanek sakatzen jarraitu dute eta Cesc Fabregasek 2-0ekoa jarri du lehen zatiko 12. minutuan.

Osasunak sufritzen jarraitu du eta Andres Fernandez atezain gorritxoa bilakatu da partidako protagonista. Hala ere, blaugranek erasoan murgilduta jarraitu dute eta Villak 3-0ekoa jari du 33. minutuan. 4-0ekoa Roversiok bere atean sartu du Andres Fernandezen gelditu ikusgarria baten ondoren eta 5-0ekoa Lionel Messik ezarri du 40. minutuan.

Atsedenaldiaren ostean lasaiago irten dira bi taldeak zelaira, baina Bartzelonako aurrelariek abaguneak sortzen jarraitu dute. Messik langara bidali du zartakoz jotako baloia partidako 50. minutuan eta 56. minutuan Xavik 6-0ekoa jarri du markagailuan Osasunako atezaian ederki gaindituz.

Gorritxoen aukerarik onena Ninok izan du 64. minutuan, baina jokalariaren jaurtiketa gutxigatik joan da kanpora. 75. minutuan Villak 7-0ekoa jarri du Cescen pasea ederki aprobetxatuz eta 78. minutuan Messik 8-0ekoa jarri du.

Fitxa teknikoa:

8. Bartzelona: Valdes; Mascherano, Puyol (Maxwell, 55. minutuan), Abidal (Adriano, 46. minutuan); Alves, Xavi (Afellay, 61. minutuan), Thiago, Sergio Busquets, Cesc; Villa eta Messi.

0. Osasuna: Andres Fernandez; Marc Bertrán, Roversio, Rubén, Raitala (Cejudo, 46. minutuan); Damia, Lolo, Puñal (Timor, 77. minutuan), Lamah;
Raul Garcia (Ibra, 63. minutuan); eta Nino.

Golak: 1-0, min.5: Messi. 2-0, min.13: Cesc. 3-0, min.34: Villa. 4-0, min.39: Roversio (bere atean). 5-0, min.41: Messi. 6-0, min.57: Xavi. 7-0, min.76: Villa. 8-0, min.79: Messi.