Itxi

Osasuna

Ofiziala

Manu Sanchez Osasunara itzuli da, utzita

EITB MEDIA

Ostegunean aurkeztuko dute jokalari gorritxoa, Braulio Vazquez kirol-zuzendariarekin batera.

  • Manu Sanchez. Argazkia: Osasuna

    Manu Sanchez. Argazkia: Osasuna

Osasunak akordioa lortu du Atletico Madrilekin Manu Sanchez 2022ko ekainaren 30era arte uzteko, erosteko aukerarik ez duen operazio batean.

Jokalaria berehala jarriko da Jagoba Arrasateren aginduetara, eta ostegunean aurkeztuko dute jokalari gorritxoa, Braulio Vazquez kirol-zuzendariarekin batera.

Manuel Sanchez de la Peña (Madril, 2000ko abuztuaren 24a) aurreko sasoian Osasunan denboraldi arrakastatsua egin ostean itzuli da Iruñeko klubera. Hegalekoa neguko merkatuan iritsi zen Iruñeko taldera, eta 18 partida jokatuta (8 irabazi eta 4 berdindu), bost asistentzia eman zituen, eta oso jokalari garrantzitsua izan zen taldearentzat. Gainera, "bere portaera eredugarriak gorritxoen errespetua eta maitasuna lortzera eraman zuen", klubaren webean nabarmendu dutenez.

Lortutako akordioaren ostean, "Manu Sanchez bere etxera itzuliko da, aurrera egiten jarraitzeko eta Osasunari bere kirol helburuak betetzen laguntzeko", gaineratu dute bertan.