Lolo sendatu da eta Nekounamek ezin izango du Levanteren aurka jokatu

Erredakzioa

Azken eguneratzea: 2012/03/21 14:06 (UTC+1)

Irango erdilariak denboraldiko bosgarren txartel horia ikusi zuen Getaferen aurka eta ezin izango du Ciutat de Valencia estadioan jokatu.

Nekounam. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Getaferen aurka berdinketa lortuta, Osasuna lan saioetara itzuli da gaur Taxoaren. Mendilibar Levanteren aurkako norgehiagoka prestatzen hasi da eta teknikari bizkaitarrak Lolo berreskuratu egin du. Hala ere, Javad Nekounamek denboraldiko bosgarren txartel horia ikusi zuen atzo Nafarroako Erresuman eta Irango erdilaria ezin izango da Ciutat de Valencia estadioan egon.

Eskuineko aduktoreko lesioa gainditu egin du Lolok eta bi aste geroago berdeguneetara itzuliko da gorritxoa. Huelvako jokalariak Nekounamen ordezkoa izan daiteke hasierako hamaikakoan.

Kike Solak eta Masoudek lesionatuta jarraitzen dute eta Ibrahima azken ordura arte zalantza izango da gaur ez baita taldekideekin aritu.