Valentzian puntuak lortu nahi ditu Osasunak

Erredakzioa

Azken eguneratzea: 2012/05/01 13:42 (UTC+2)

Europako postuekin amezten jarraitzeko garaipena eskuratu beharko du Mendilibarren taldeak. Gorriek soilik bi partida irabazi dituzte etxetik kanpora denboraldi honetan.

Osasuna-Valentzia. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (3)

Europako postua lortzeko Osasunak emaitza ona lortu beharko du Mestallan. Hala ere, etxetik kanpora soilik bi norgehiagoka irabazi dituzte gorriek denboraldi honetan eta lau egunetan bigarren partida jokatuko dute Iruñetik urrun.

Aurrean, Unai Emeryren Valentzia izango du Nafarroako taldeak. Sailkapeneko seigarren sailkatua puntu bakarrera du Osasunak Vila-realen kontra puntu garrantzitsua eskuratu ostean, baina Mestallan puntuak lortzekoa ezinbestkoa izango da. Izan ere, denboraldiko azkenengo bi norgehiagokak Realaren eta Bigarren Mailara jaitsi den Racingen aurka jokatuko baititu Iruñeko taldeak.

Emeryren mutilek sailkapeneko hirugarren postua lortzeko borrokan jarraitzen dute. Jon Echaidek, Masoudek, Sergio Fernandezek eta Kike Solak lesionatuta jarraitzen dute, baina Miguel Flaño taldekideekin aritu da goizeko lan saioan. Hala ere Nafarroako zentralak ezin izango du Valentziaren aurka jokatu.