Osasuna
BBVA Liga
Deportivoren itzulera zapuztu nahi du Osasunak
Erredakzioa
Armenteros azken orduko baja da gorritxoen aldetik, eta Mendilibarrek aldaketaren bat egin beharko du zelai erdian.
-
Osasunak Deportivoren aurka jokatuko du lehen partida. Argazkia: EFE
Osasunak astelehen honetan (19:00etan) ekingo dio BBVA Ligako 2012-2013. denboraldiari. Riazorren jokatuko dute gorritxoek denboraldiko lehen partida Deportvoren aurka.
Mendilibarrek partida honetarako duen baja bakarra Armenterosena da. Ondorioz aldaketak egin beharko ditu zelai erdian entrenatzaile bizkaitarrak. Ruben Gonzalez, Jon Echaide, Fernando Macedo "Nano", Masoud Shojaei eta Manu Onwu deialditik at geratu dira.
Talde gorritxoaren deialdia, honako jokalariek osatzen dute: Andres Fernandez, Asier Riesgo, Marc Bertran, Miguel Flaño, Arribas, Oier, Damia, Puñal, Lolo, Sisi, Cejudo, Lamah, Roberto Torres, Timor, Raoul Loe, Nino, Kike Sola eta Llorente.
