Osasuna
Kluba utziko du
Unai Garciak ez du Osasunan jarraituko
EITB MEDIA
Gorritxoen erdiko atzelari eta taldeko kapitaina denak igandean esango die agur Sadarreko zaleei, Espanyolen aurkako partidan.
-
Unai Garciak hamar denboraldi eman ditu lehen taldean. Argazkia: EITB Media.
Unai Garciak ez du Osasunan jarraituko 2024-25 denboraldia amaitutakoan, Nafarroako klubak ostiralean iragarri duenez. Erdiko atzelari eta gorritxoen kapitaina denak igandean esango die agur Sadarreko zaleei, Espanyolen aurkako partidan.
Hala, Osasunan emandako 25 urteko ibilbidea itxiko du; izan ere, benjaminetan iritsi zen Taxoarera. 2013ko ekainaren 1ean egin zuen debuta lehen taldearekin; beraz, hamar denboraldiz aritu da talde gorritxoko jokalari bezala. 2023ko urtarriletik, gainera, kapitaina izan da.
Igandean, EA Sports Ligako 37. jardunaldiko Osasuna-Espanyol neurketaren amaieran, Osasunako zaleek Unai Garcia omentzeko aukera izango dute.
