Osasuna
Fitxaketa
Osasunak Valentin Rosier fitxatu du, hurrengo hiru denboraldietarako
EITB MEDIA
Leganesetik iritsi da Osasunara; Madrilgo taldearekin, ekainaren 30era arte du kontratua. Eskuin alboko atzelari frantziarrak 15 milioi euroko etete klausula izango du; 2024-25 denboraldian, 36 partida jokatu ditu.
-
Valentin Rosier, Sadarren; hori izango du etxea, gutxienez, 2028ra arte. Argazkia: Osasuna.
Osasunak Valentin Rosier fitxatu du hurrengo hiru denboraldietarako, alegia, 2027-28 denboraldia amaitu arte, Nafarroako klubak asteazkeneko arratsaldeko azken orduan iragarri duenez. Eskuin alboko atzelari frantziarra Leganesetik iritsi da Osasunara; Madrilgo taldearekin, ekainaren 30era arte du kontratua. Jokalariak 15 milioi euroko etete klausula izango du; 2024-25 denboraldian, 36 partida jokatu ditu.
28 urtekoa bera (abuztuan egingo ditu 29), Rosier, Leganesen ez ezik, beste talde hauetan ere aritu da: Frantziako Rodez Aveyronen, Dijonen eta Nizan, eta Sporting Portugalen eta Besiktasen. Frantziako 21 urtetik beherako selekzioarekin ibilitakoa da, eta badu esperientzia Txapeldunen Ligan, Europa Ligan eta Konferentzia Ligan.
Osasunak argitaratutako bideo batean ikusten denez, Rosier "oso pozik" dago Iruñeko taldearekin sinatuta, eta gustura ikusi zaio Sadarren.
¿¿ Feliz pic.twitter.com/l72pdoKQfP
— C. A. OSASUNA (@Osasuna) May 28, 2025
