Futbola
Euskal Selekzioa
Jarraitzaileak giroa berotzen ari dira Donostiako Alde Zaharrean
Erredakzioa
Donostiara joan diren zale gehienak Gipuzkoako hiriburuaren Alde Zaharrean bildu dira. Jarraitzaileak Euskal Herriko txoko guztietatik hurbildu dira.
1:51
Euskal Selekzioak eta Boliviak arratsaldean, Anoetan, jokatu behar duten norgehiagoka berotzen hasi dira jarraitzaileak dagoeneko. Neurketaren hasiera (20:00etan) hurbiltzeko zain dira zaleak, bitartean Donostiako Alde Zaharrean, giro bikainean, bildu dira.
Goizeko lehen orduetatik Euskal Herriko txoko guztietatik etorritako jarraitzaileak Alde Zaharreko tabernetan bildu dira giroa berotzen hasteko.
