Futbola
BBVA Liga
Celtak Paco Herrera kargutik kendu, eta Abel Resino fitxatu du
Erredakzioa
Vigoko taldea Lehen Mailara igo zuen entrenatzailea kargutik kentzea erabaki du zuzendaritzak, eta Granadako entrenatzaile ohiak zuzenduko du talde galiziarra denboraldi amaierara arte.
-
Abel Resino Granadako entrenatzaile zenean (2011-2012 denboraldian). Argazkia: EFE
Celtak Paco Herrera entrenatzaile kargutik kendu du, eta Abel Resinok ordezkatuko du. Herrerak Lehen Mailara igo zuen Celta iaz, baina taldea jaitsiera postuetan dago, eta erabaki hau hartu du zuzendaritzak.
Abel Resinok zuzenduko du Celta denboraldi amaierara arte. Granadako entrenatzailea izan zen Abel Resino 2011-2012. denboraldi amaieran, eta talde andaluziarra Lehen Mailan mantentzea lortu zuen.
