Futbola
Lau urterako
Chelseak Mourinho fitxatu duela baieztatu du
Erredakzioa
Portugaldarrak agur esan zion larunbatean Real Madrili, eta Londreseko taldera itzuliko da. Lau urterako kontratua sinatu du. 2004tik 2007ra artean zuzendu zuen talde ingelesa, bost titulu lortuta.
-
Jose Mourinho. Argazkia: EFE
Chelseak Jose Mourinho fitxatu duela jakinarazi du. 50 urteko entrenatzaile portugaldarra Londreseko taldera itzuliko da. Mourinhok azken hiru urteak eman ditu Real Madrileko entrenatzaile karguan, eta larunbatean zuzendu zuen azken partida Bernabeun.
Mourinhok bigarren etapa beteko du Chelsean. 2004tik 2007ra artean zuzendu zuen Mourinhok Stamford Bridgeko taldea, eta bost titulu lortu zituen: Premier Leaguea bi aldiz irabazi zuen, bi FA Cup eta bi Ligako Kopa.
Datorren ekainaren 10ean aurkeztuko du Chelseak Mourinho. Londreseko taldeko presidentea den Roman Abramovic eta Chelseako zaleak oso pozik daude Mourinhoren fitxaketarekin.
