Futbola
Larunbatean, 18:00etan
Barça-Atletico, liga erabakiko duen neurketa
Erredakzioa
Madrildarrek berdinketarekin nahiko izango lukete liga irabazteko, eta Barçak, ordea, hiru puntuak behar ditu.
-
Atleticoren entrenamendua. Argazkia: EFE
FC Bartzelonak eta Atletico Madrilek hil edo biziko partida jokatuko dute larunbat honetan Camp Noun, 18:00etatik aurrera. Talde biek liga titulua izango dute jokoan. Madrildarrek berdinketarekin nahiko izango lukete liga irabazteko.
Barcak, bestalde, garaipena behar du kopa altxatu nahi badu. 90 minututan erabakiko da 2013/2014 liga. Emozioa ziurtatuta dago.
Aurten bost aldiz neurtu dituzte indarrak Bartzelonak eta Simeoneren taldeak, eta katalanek bi gol baino ez dituzte egin, biak Neymarrenak. "Tata" Martino teknikariak oraindik ez daki jokalari brasildarra partida jokatzeko prest egongo den edo ez.
Ustezko hamaikakoak:
FC Bartzelona: Pinto; Alves, Pique, Mascherano, Adriano; Busquets, Xavi, Iniesta; Alexis, Messi eta Cesc.
Atletico Madril: Courtois; Juanfran, Godin, Miranda, Filipe Luis; Koke, Tiago, Gabi, Arda Turan; Diego Costa eta Villa.
Epailea: Mateu Lahoz
Futbol-zelaia: Camp Nou.
Ordua: 18.00.
