Futbola
Larunbatean, 20:45ean
Sestao Riverrek Albacete hartuko du, Bigarren Mailarako bidean
Erredakzioa
18 urteren ondoren, Bigarren Mailara itzuli nahi dute bizkaitarrek, baina aurrean ez dute aurkari erraza izango.
Bideoak (1)
Informazio gehiago (1)
Sestao Riverrek Albacete hartuko du larunbat honetan, Las Llanasen, igoerarako txapeldunen arteko kanporaketaren joaneko partidan (20:45etik aurrera). Bizkaitarrek Bigarren Mailarako txartela bideratuta uztea izango dute helburu. Albacete, II. multzoko liderra 82 punturekin, ez da aurkari erraza izango.
Mailari eustea zen denboraldiaren hasiera Sestao Riverren xedea, baina 38 jardunaldi jokatu direnean, bere multzoko lidergoan bukatu du Sestaok. Bigarren itzulian 43 puntu erdietsi ditu.
Dani Guerrerok, zigortuta, ezin izango du partida jokatu. Las Llanasen giro bikaina espero da.
