BBVA Liga: Real Madrilek eta Bartzelonak ez dute barkatzen

BBVA Ligako 26. ihardunaldia jokatu ostean ia guztiak berdin jarraitzen du sailkapenaren goialdean eta behealdean.

Sailkapenaren goialdean Real Madrid eta Bartzelona daude biak 65 punturekin. Ihardunaldi honetan Bartzelonak 3-0 irabazi dio Valentziari Messiren hat-trick batekin eta Real Madrilek 1-4 irabazi dio Valladolidi Cristiano Ronaldoren gol batekin eta Higuainen hat-trickarekin. Madrildarrek gol average orokor hobea dutelako daude lidergoan, baina Bartzelonak buruz buruko gol average alde du momentuz.

Txapeldunen Ligako eta Europa Leagueko postuetan ez zen aldaketa handirik egon. Valentziak galdu arren hirugarren postuan jarraitzen du 47 punturekin eta Sevilla dago laugarren postuan 44 punturekin Deportivoren aurka 1-1 berdindu ondoren. Galiziarrak seigarren postuan daude 42 punturekin. Mallorcak kale egin zuen Getaferen aurka 3-0 galduta, baina bosgarren postuan mantentzen dira 43 punturekin. Athleticek 0-0 berdindu zuen Sportingen aurka eta zazpigarren postuan jarraitzen du 41 punturekin. Puntu bat hurbilago dituzte Valentzia (sei puntura) eta Mallorca (bi puntura) eta aurreko ihardunaldiko distantzia berera dite Sevilla (hiru puntura) eta Deportivo (puntu bakarrera).

Sailkapenaren behealdean gauza oso estu dago. Elkarren aurka jokatu zuten Racingek eta Zaragozak eta 0-0 berdindu zuten. Bi taldeak jaitsieratik hurbilago daude orain. Racing salbazio postuetan dago 26 punturekin, jaitsieratik hiru puntura eta Zaragoza jaitsieratik lau puntura dago 27 punturekin. Jaitsiera postuetan daude Xerez, Valladolid eta Tenerife. Andaluziarrek 2-0 galdu zuten Vila-realen aurka eta 15 puntu ditu eta Real Madrilen aurka jokatu zuen Valladolid 19. postuan dago 20 punturekin. Salbazio lortzeko pauso garrantzitsua eman duena Tenerife izan da. Aurkari zuzena den Espanyoli (28 puntu) 4-1 irabazi zioten eta 23 punturekin daude, salbaziotik hiru puntura.