Futbola
38. jardunaldia
BBVA Liga: Xerez, Valladolid eta Tenerife, Bigarren Mailara
Andoni Beldarrain
Erredakzioa
Malagak eta Racingek maila mantentzea lortu dute. Andaluziarrek 1-1 berdindu dute Real Madrilen aurka eta denek uste zuten moduan kantabriarrek 2-0 irabazi diote Sportingi.
Igande honetan erabaki da BBVA Ligatik zein talde jaitsi diren Adelante Ligara. Zoritxar hori Xerezek, Valladolidek eta Tenerifek izan dute.
Xerezek garaipena lortu behar zuen Osasunaren aurka Reyno de Navarran eta hainbat emaitza itxaron salbazioa lortzeko. Baina, partida 1-1ekoarekin bukatu zen eta andaluziarrek maila galdu zuten.
Camp Noun Bartzelonak 4-0 jipoitu zuen Valladolid eta Clementeren taldeak maila galdu zuen Malagak eta Racingek lortutako emaitzak ikusita. Bestalde, Tenerifek galdu egin zuen azken minutuan Valentziaren aurka eta hauek ere maila galdu zuten.
Poztasuna La Rosaledan eta Sardineron nagusitu zen. Malagak 1-1 berdindu zuen Real Madrilen aurka eta salbazioa lortu zuen. Racingek, ordea, denek itxaroten zuten moduan 2-0 irabazi zion auzokidea duen Sportingi.
