Futbola
Tebas izango da presidentea
Aranzabalek uko egin dio Ligako presidente izateko hautagaitzari
Erredakzioa
Alex Aranzabal Eibarreko presidente ohiak astearte honetan iragarri du ezin izan dituela Futbol Liga Profesionaleko presidente izateko hautagaitza aurkeztu, ez dituelako gutxieneko baldintzak bete.
-
Alex Aranzabal. Argazkia: EiTB
Alex Aranzabalek astearte honetan jakinarazi du uko egiten diola Futbol Liga Profesionaleko presidente izateko hautagaitza aurkezteari. Eibarreko presidente ohiak ez ditu hauteskundeetara aurkezteko behar ziren gutxieneko baldintzak bete eta Javier Tebas izango da berriro Ligako presidentea.
Aranzabalek ohar baten bitartez eman du jakitera ez duela hautagaitza aurkeztuko: "Ez gaude ados hauteskundeen prozesua eraman den moduarekin eta eskerrak eman nahi dizkiet babesa eman diguten, eta futbola kudeatzeko beste modu baten sinesten duten klubei". Amaitzeko, Aranzabalek eskerrak eman nahi izan dizkie zaleei, "euren ahotsa altxatzeagatik eta beste futbol bat posible dela babesteagatik".
