Futbola
13:00etan
Ostegun honetan, Kopako zozketa
Erredakzioa
Final-zortzirenetako, final-laurdenetako eta finalerdietako zozketa egin da. Athletic da txapelketan bizirik dirauen euskal talde bakarra. Zuzenean eitb.com-en (13:00).
Ostegun honetan Errege Kopako final-zortzirenetako, final-laurdenetako eta finalerdietako zozketa egingo da, 13.00etatik aurrera. Zozketa garbia egingo eta bolatxoen ordenaren arabera futbol-zelaiak erabakiko dira. Salbuespen bakarra Bigarren Mailako taldeetan izango da; joaneko partida Bigarren Mailakoaren estadioan jokatuko da.
Final-zortzirenetako joaneko neurketak abenduaren 22an jokatuko dira eta itzulikoak 2011ko urtarrilaren 5ean. Final-laurdenak, urtarrilaren 12an eta 19an eta finalerdietako joanekoak 26an. Itzulikoak otsailaren 2an. Egun horretan ezagutuko dira finalean indarrak neurtuko dituzten bi talderen izenak.
Zozketan Sevilla, FC Bartzelona, Real Madril, Atletico Madril, Vila-real, Valentzia, Athletic Club, Espanyol, Getafe, Mallorca, Malaga, Almeria, Deportivo eta Levante, Betis eta Kordoba taldeek hartuko dute parte.
