Futbola
2. B Mailara igoera
Culturalak garaipena lortu du eta Portugaletek berdinketa
eitb.eus
Cultural Durango taldeak 0-1 irabazi dio San Fernandori Bigarren B Mailara igotzeko playoffeko finaleko joaneko partida. Portugaletek, aldiz, bana (1-1) berdindu du Castelloren aurka, etxean.
-
Cultural Durango taldea, San Fernandon lortutako garaipena ospatzen. Argazkia: @CulturalDurango
Cultural Durango eta Portugalete dira Bigarren B Mailara igotzeko lehian jarraitzen duten euskal talde bakarrak eta igande honetan jokatu dituzte igoera faseko azken kanporaketetako joaneko neurketak.
Durangoko taldeak 0-1 irabazi dio San Fernandori Cadizen eta abantaila hartu du datorren asteburuan etxean jokatuko duen itzuliko neurketarako. Egañak sartu du partidako gol bakarra, 57. minutuan.
Bestalde, Portugaletek bana (1-1) berdindu du Castelloren aurka La Floridan. Gabri Ortegak 58. minutuan sartu duen golak (1-0) aurretik jarri du talde jarrilleroa, baina azken minutuan neurketa berdindu du Calvillok (1-1) Castellorentzat. Beraz, Portugaletek desabantaila txikiarekin ekingo dio Castellon jokatuko den itzuliko partidari.
Bigarren B Mailara igotzeko playoffetako finaletako joaneko partiden emaitzak:
Atletico Sanluqueño 3 - Yeclano 0
Salmantino 1 - Compostela 1
UD San Fernando 0 - Durango 1
Ibiza-Eivissa 1 - Atletico Levante 0
Socuellamos 1 - Unionistas Salamanca 0
Ejea 1 - Cadiz B 1
Villarrobledo 3 - Almeria B 6
Portugalete 1 - Castello 1
Orihuela 2 - Langreo 1
