Futbola
Sevilla FC
Sergio Sanchezek futbolean jokatuko ahalko du
Erredakzioa
Sevilla taldeko defentsa baja izan da urtebetez kardiopatia bat dela eta. Azken azterketa medikuak positiboak izan dira eta medikuek ez diote futbolean jokatzea debekatzen.
Sevilla taldeko Sergio Sanchez defentsak futbol profesionalean jokatzen jarraitu ahalko du. Talde andaluziarreko lehen taldera itzuliko da azken azterketa medikuak positiboak izan ondoren. Sergio urtebete egon da jokatu gabe kardiopatia baten erruz. Medikuek futbol profesionalean jokatzen jarrai dezakeela esan diote.
Arturo Evangelista Vall d''Hebron Bartzelonako ospitaleko medikuak eraman du Sergio Sanchezen kasua eta Jose Maria del Nido Sevillako presidenteari eta jokalariari berari Sergiok futbolean jokatzeko arazorik ez duela esan die.
Momentu honetatik aurrera Sergio Sanchez Gregorio Manzano entrenatzailearen esanetara dago eta Manzanoren esku dago deialdietan sartzen hastea. Sergio Sanchez iaz joan zen Espanyol taldetik Sevillara. Asteazken honetan itzuliko da taldekideekin entrenatzera eta ondoren prentsaurrekoa emango du.
