Futbola
Guardiolaren eskaerapean
Pique eta Shakira bikote direla baieztatu du Bartzelonako jokalariak
Andoni Beldarrain
Erredakzioa
Guardiolak gai honen inguruko zurrumurruekin bukatzeko esan zion Piqueri eta honek kasu egin dio sare sozial baten bikotea agertzen den argazki bat igota.
Gerard Pique Bartzelonako jokalariak Shakira abeslaria eta biak bikote direla baieztatu du. Futbolaria eta abeslaria elkarrekin zebiltzaren zurrumurruak zeuden prentsa arrosan eta hauek jokalariari egiten zioten jarraipena egunerokoa zen. Hau ikusita Guardiola entrenatzaileak gai hau argitzeko eskatu zion Piqueri eta honek hala egin zuen.
Piquek sare sozial baten argazki bat jarri zuen non bere urtebetetzea (otsailaren 2an) ospatzen ari den Shakirarekin, Puyolekin, Puyolen andregaia den Malena Costarekin eta beste lagun batzuekin.
Paparazziak atzetik zebiltzan bikotearen argazki bat lortzea helburu zutela. Gai hauetaz arduratzen diren komunikabideek esan zuten argazki horrek 150.000 euroko balioa izango zukeela.
