Van Gaalek Bayern Munich utziko du denboraldia amaitzen denean

Erredakzioa

Azken eguneratzea: 2011/03/07 17:07 (UTC+1)

Holandarrak ez du talde alemaniarreko entrenatzaile izaten jarraituko datorren denboraldian. Bundesligan Bayernek daraman bolada txarrak eragin du erabakia.

Whatsapp
Whatsapp
telegram
twitt
Bidali
Esteka kopiatu

Albisteak (1)

Champions League: Bayernek garaipena lortu eta Manchesterrek, berdindu

Bayern Municheko entrenatzailea den Louis Van Gaalek ez du taldean jarraituko datorren denboraldian. Kluba utziko du aurtengo denboraldia bukatzean, bere kontratuan jartzen zuena baino urte bete lehenago.

Karlheinz Rummenigge Bayerneko entrenatzaileak baieztatu du erabaki hau komunikabideen galderarik onartu ez duen prentsaurreko baten.

"Taldearen kirol egoerak kezkatzen gaitu. Gogorarazten dizuet zortzi egunetan hiru partida galdu ditugula eta honek kolokan jartzen ditu denboraldi honetarako geneuzkan gutxieneko helburuak", adierazi zuen Rummeniggek.

Van Gaalek eta Bayern Municheko zuzendariek izandako batzar baten adostu zuten bi aldeek kontratua 2011eko ekainaren 30ean bertan behera uztea nahiz eta holandarrak beste urte beterako sinatuta zeukan.

Aurtengoa bigarren denboraldia du Van Gaalek Bayernen. Lehen denboraldian holandarrak Alemaniako Kopa eta Bundesliga irabazi zituen eta Bayern Txapeldunen Ligako finalean sartu zuen.