Futbola
Itzulerako partidak
UEFA Europa League: Final-laurdenetarako txartelak, jokoan
A.B.
Erredakzioa
Joaneko partidak jokatuta guztia itzulerakoetan erabakiko da. Vila-realek Bundesligako bigarren sailkatua den Bayer Leverkusen izango du aurkari Madrigalen. Joanekoan 2-3 irabazi zuten espainiarrek.
Vila-realek Bayer Leverkusen izango du aurkari Madrigalen. Alemaniarrak bigarren sailkatuak dira Bundesligan eta aldeak murriztu dituzte azken asteotan liderra den Borussia Dortmundekiko. Joaneko partidan Vila-realek 2-3 irabazi zuen eta abantaila du.
Dynamo Kyivek 2-0 irabazi zion Ukrainan Manchester Cityri, baina talde ingelesak buelta eman diezaioke kanporaketari bere etxean oso talde indartsua baita. Bragak 1-0 irabazi zion Liverpooli, baina hauek ere Anfielden buelta ematen saiatuko dira. Portok 0-1 irabazi zion CSKA Moskvari Moskun eta Benficak 2-1 garaitu zuen Paris Saint-Germain. Portugaldarrak ezin dira erlaxatu. Moskuko beste taldeak, Spartak Moskvak ezustekoa eman zuen joanekoan Ajaxi Amsterdam Arenan 0-1 irabazita. Holandarrek ez dute lan erraza izango Errusian markagailua iraultzeko. Guztiz irekita dagoen kanporaketa PSV Eindhovenen eta Glasgow Rangersen artekoa da. Holandan jokatu zen joaneko partidan 0-0 berdindu baitzuten.
Final-zortzirenetako itzulerako partidak:
19:00 Paris Saint-Germain FC - SL Benfica
19:00 Manchester City FC - FC Dynamo Kyiv
19:00 FC Zenit - FC Twente
19:00 FC Spartak Moskva - AFC Ajax
21:05 Liverpool FC - SC Braga
21:05 FC Porto - PFC CSKA Moskva
21:05 Rangers FC - PSV Eindhoven
21:05 Villarreal CF - Bayer 04 Leverkusen
