Futbola
Athleticek historia egin du Ramon de Carranza torneoa irabazita
Zuri-gorriak penaltietan gailendu dira, partida bana amaitu ostean.
Bideoak (1)
Athletic da historian Carranza torneoa irabazi duen lehenengo emakumezkoen taldea. Bilbotarrak Tottenham Hotspursen aurkako finalean gailendu dira, penaltietara, arauzko denbora bana amaitu ostean.
Torneoa emakumezkoen taldeek bakarrik jokatu dute lehen aldiz. Lehen zatian, ingelesak bilbotarrak baino gehiago izan dira, zelaian presioa ondo eginez.
Berdegunean egindako lanak saria izan du 11. minutuan, Angela Addisonek egindako golarekin. Pasea, Nevillerena izan da.
Athleticek korapilatu egin da baloia ateratzeko orduan, hala ere gol aukera pare bat izan ditu berdinketa lortzeko, baina ez dute asmatu.
Bigarren zatian gol aukera gutxiago egon da, Athletic nahi eta ezin ibili da, Tottenhamen defentsa joko onaren aurrean.
Neurketaren azken minutuetan, Athleticek erasora egin du. Erikak areaz kanpotik egindako jaurtiketa Chloe Morganek urrundu du, baloia Lucia Garciari iritsi zaio eta honek baloia ate barruan sartu du, area txikitik jaurtita. 94. minutuan iritsi da berdinketa.
Penaltietan, 14 jaurtiketa egin dituzte, zazpi talde bakoitzak. Coral Hainesek jaurtiketa huts egin du Eunate Arraizak berea sartu ondoren, eta, horri esker, Atheticek irabazi du finala.
Fitxa teknikoa:
1.- Athletic: De la Nava; Cirauqui (Ainhoa, 46. min), Marta Unzué, Gimbert, Eunate, Oihane (Leia, 68. min), Jone (Nevado, 46. min), Nekane, Maite, Azcona (Erika, 61. min) eta Lucia.
1.- Tottenham: Spencer (Morgan, 46. min); León (Godfrey, 66. min), Percival, Schillaci, Neville, Green (Peplow, 46. min) (Filbey, 80. min), McLean, Graham (Haines, 68. min), Ayane (Jessica, 46. min) (Lucy, 49. min), Addison eta Davison.
Golak: 0-1, 11. min: Addison. 1-1. 94. min: Lucia.
Penaltiak:
Athletic: Nekane (gola), Gimbert (gola), Maite (geldiketa, Erika (gol), Marta Unzué (gola), Nevado (geldiketa) eta Eunate (gola).
Tottenham: McLean (kanpora), Percival (gola), Davison (gola), Lucy (gola), Addison (gola), Filbey (zutoinera) eta Haines (kanpora).
