Ligako 26. jardunaldiari dagozkion ordutegiak

LaLigak 26. jardunaldiko ordutegiak jakinarazi ditu astelehen honetan. Jardunaldi horretan, Real Madril eta Bartzelona elkarren aurka arituko dira Santiago Bernabeun, martxoaren 1ean, igandean (21:00), hain zuzen ere.

Euskal taldeei dagokienez, Realak otsailaren 28an, ostiralarekin, ekingo dio jardunaldiari. Txuri-urdinek Valladoliden aurka jardungo dute Reale Arenan (21:00).

Larunbatean, Eibarren eta Alavesen txanda izango da. Armaginek Levanteren kontra jokatuko dute Ipuruan (14:00); babazorroak, aldiz, Leganesera joango dira (18:30).

Azkenik, igandean, Osasuna Sevilla ezustean harrapatzen saiatuko da, Pizjuanen. Athleticek, ostera, Vila-real hartuko du San Mamesen.