Itxi

Futbola

Ofiziala

2020ko Urrezko Baloiak ez du garailerik izango, historian lehenengoz

Agentziak / Erredakzioa

France Footballen arabera, sariaren antolatzailea, ez dira berdintasuneko egoera nahikoak betetzen, COVID-19ak behartutako 'salbuezpenezko egoera' dela eta.

  • Ada Hegerberg, 2018ko Urrezko Baloiaren irabazlea. Artxiboko irudia

    Ada Hegerberg, 2018ko Urrezko Baloiaren irabazlea. Artxiboko irudia

France Footballek, sariaren antolatzaileak, 2020ko Urrezko baloiak garailerik izango ez duela ofizial egin du, aurtengo denboraldiak bizi izan duen 'salbuezpenezko egoera' dela eta.

'Historian lehen aldiz, 1956tik, France Footballek antolatutako Urrezko Baloia ez du jaberik izango. Izan ere, ez dira saria berdintasunean lehiatzeko egoerak betetzen', azaldu du aldizkariak sare sozialen bitartez.

Astekariak ez du denboraldia ohikotzat hartzen eta, beraz, 2020an jokalarien arteko berdintasuna bermatzen ez dela adierazi du. France Footballen arabera, munduko jokalari guztiek ez baitute denboraldia modu berean jorratu.