Athletic-Osasuna, partida handia gaur San Mamesen

Erredakzioa

Azken eguneratzea: 2011/10/17 15:42 (UTC+2)

Zuri-gorriek eta Mendilibarren mutilek hiru puntu garrantzitsu izango dituzte jokoan. Jarrai ezazu partida minutuz minutu eitb.com-en.

Athletic-Osasuna. Argazkia: EFE

Whatsapp
Whatsapp
telegram
twitt
Bidali
Esteka kopiatu

Informazio gehiago (1)

Neurketa, minutuz minutu

Athleticek San Mamasen garaipena ezagutu gabe jarraitzen du ligan eta zuri-gorriek hiru puntuak lortzea izango dute helburu. Osasunak aldiz, azkenengo partidetan berdinketak lortu ditu eta gorritxoek puntuak hirunaka lortzen hasteko aukera paregabea dute Bilbon. Bielsaren mutilek sailkapenean aurrerapusoa emateko beharra dute eta nafarrek taulako erdialdean mantentzeko gutxienez puntu bat beharko dute.

Entrenatzaileak eta jokalariak partida fisikoki gogorra izango dela argi utzi dute. Bizkaitarrek jokoa atzetik sortzea izango dute helburu erasoan Fernando Llorente erreferentzia izanik. Osasunak kontraerasoa bilatuko du aurrealdean jokalari azkarrak jarriko baititu Jose Luis Mendilibarrek.

Marcelo Bielsak aldaketak egingo ditu hasierako hamaikakoan. De Marcos ezker hegalera itzuliko da Aurtenetxeren ordez eta Ekiza defentsa erdialdean izango da. Gainera Iturraspek Gurpegiren tokia hartuko du antolatzaile gisa.

Iruñeko taldean, hiru aste lesionatuta egon eta gero Roversio itzuliko da berdegunera. Hala ere, Echaidek eta Masoudek lesionatuta jarraitzen dute.

Ustezko hamaikakoak:

Athletic: Iraizoz; Iraola, Ekiza, Amorebieta, De Marcos; Javi Martinez; Susaeta, Iturraspe, Muniain, Gabilondo; eta Llorente.

Osasuna: Andres Fernandez; Marc Bertran, Roversio, Sergio, Damia; Puñal, Nekounam; Cejudo, Raul Garcia, Lamah; eta Nino.