Futbola
Old Trafforden
Premier League: Cityk 1-6 jipoitu du United Manchesterreko derbian
A.B.
Erredakzioa
Mancinik zuzentzen duen taldeak garaipen handia lortu du Old Trafforden. Dzekok eta Balotellik bina gol sartu dituzte- Aguerok eta Silvak, bana.
-
El Manchester Cityk 1-6 irabazi dio Manchester Unitedi Old Trafforden. Argazkia: EFE
Partidako 20. minutuan etorri zen lehen gola. Balotellik 0-1ekoa sartu zuen eta norgehiagoka emaitza horrekin iritsi zen atsedenaldira. Bigarren zatian City jaun eta jabe izan zen. 60. minutuan Balotelllik berak 0-2koa sartu zuen eta bederatzi minutu beranduago Kun Aguerok 0-3koa egin zuen. Partida ia erabakita utzi zuen Manchester Cityk, baina 81. minutuan Manchester Unitedek aldeak murriztu zituen Fletcherren golari esker (1-3). Baina gol horrek ez zuen ezer aldatu eta azken minutuetan Cityk beste hiru gol sartu zituen. Dzekok 90. minutuan 1-4koa sartu zuen, David Silvak 91. minutuan 1-5ekoa egin zuen eta Dzekok bere bigarren gola sartu zuen 93. minutuan Cityren festa borobiltzeko (1-6).
Fitxa teknikoa:
1- Manchester United: De Gea, Smalling, Ferdinand, Evans, Evra, Young, Nani (Hernandez, m.66), Fletcher, Anderson (Jones, m.66), Welbeck, Rooney.
6- Manchester City: Hart, Clichy, Lescott, Richards, Kompany, Silva, Milner, Barry, Toure, Balotelli (Dzeko, m.70), Aguero (Nasri, m.76).
Golak: 0-1, m.22: Balotelli; 0-2, m.60: Balotelli; 0-3, m.69: Aguero; 1-3, m.81: Fletcher; 1-4, m.90: Dzeko; 1-5, m.91: Silva; 1-6, m.93: Dzeko.
