Itxi

Futbola

Koronabirusa

Saudi Arabian jokatzekoa zen Superkopa, arriskuan

eitb.eus

Reala, Athletic, Bartzelona eta Real Madril arituko dira aurten Espainiako Superkoparen bila, eta, koronabirusa dela eta, Espainiako Ligako talde baten zelaian jokatzea aztertzen ari dira.

  • Ssudi Arabiako futbol-zelai honetan jokatu behar zen finala

    Ssudi Arabiako futbol-zelai honetan jokatu behar zen finala

Radio Marcak adierazi duenez, gero eta zailagoa izango da Espainiako Superkopa Saudi Arabian jokatzea. Izan ere, koronabirusa dela eta, ezingo da ikuslerik sartu zelaian.

Aurreikuspenen arabera, txapelketa urtarrilaren 13a eta 17a bitartean jokatzekoa zen, Saudi Arabian, eta Real Madril (Santander Ligako txapelduna), Bartzelona (Santander Ligako bigarrena) eta Reala eta Athletic (Errege Kopako finalerako sailkatuta dauden baina oraindik finala jokatu ez duten bi taldeak) arituko dira bertan.

Iaz jokatu zen Espainiako Superkopa lehen aldiz Espainiatik kanpo. Saudi Arabian jokatu zuten, eta Real Madrilek irabazi zuen, Atletico Madril penaltietan 4-1 garaituta.