Futbola
Polemika sortu du
Clemente: 'Mourinho Guardiola baino gustokoago dut'
Erredakzioa
Entrenatzaile bizkaitarrak Bartzelonaren jokoa aspergarria iruditzen zaiola argi utzi du Canal+ kateak egindako elkarrizketa batean.
-
Clemente. Argazkia: EFE
Real Madrilen estiloa Bartzelonarena baino gustokoago duela argi utzi du Javier Clementek Canal+ kateak egindako elkarrizketa batean. “Bartzelona oso ondo dago eta Liga irabaziko duela uste dut. Hala ere blaugranen jokoak aspertzen nau; Mourinho guardiola baino gustokoago dut” adierazi du Barakaldoko entrenatzaileak.
Gainera, Clementek Athletici eta Fernando Llorenteri buruz ere mintzatu da. Bizkaitarrak ez duela Llorente Real Madrilen jokatzen azaldu du.
Kamerungo selekzionatzaile lana bizitzan izan duen “esperientziarik gogorrena” izan dela argitu du Javier Clementek. Azkenik, berak 1994. urtean zuzendu zuen Espainiako selekzioak “Vicente Del Bosqueren selekzioa gainditzeko gai” izango litzatekeela esan du entrenatzaile bizkaitarrak.
